2024թ. ապրիլի 23-ին, Տալլինի Ս. Գրիգոր Լուսավորիչ Եկեղեցում Բալթյան երկրների հայոց թեմի առաջնորդ Գերաշնորհ Վարդան եպս. Նավասարդյանի հանդիսապետությամբ տեղի ունեցավ Հայոց Ցեղասպանության Ս. նահատակների բարեխոսական կարգ և մոմավառություն:
2024 թվականի մարտի 31-ին Սուրբ Գրիգոր Լուսավորիչ եկեղեցում տեղի ունեցավ տոնական պատարագ ՝ ի պատիվ Քրիստոսի Հարության։
Պատարագից հետո հյուրերը միացան եկեղեցու ծխական խորհրդի կողմից կազմակերպած տոնական խնջույքին, որը տեղի ունեցավ Armanž restoran-ում: Զատկի խաղեր և վիկտորինաներ, ավանդական հյուրասիրություններ և զվարճանք:
Massa tempor nec feugiat nisl pretium fusce id velit. Proin fermentum leo vel orci porta non pulvinar neque. Commodo sed egestas egestas fringilla phasellus faucibus scelerisque eleifend donec.
Փետրվարի 27-ին Էստոնիայում Հայաստանի արտակարգ և լիազոր դեսպան պարոն Արա Մարգարյանը հանդիպում ունեցավ Տալլինի Սուրբ Գրիգոր Լուսավորիչ եկեղեցու ծխական խորհրդի անդամների հետ, որին մասնակցում էին նաև այլ հայկական կազմակերպությունների անդամներ։ Հաջորդ օրը՝ փետրվարի 28-ին, դեսպանն այցելեց նաեւ Տալլինի հայկական եկեղեցի՝ շարունակելու մեր ծխական համայնքին վերաբերող հարցերի քննարկումը։
Շնորհիվ դրական փոփոխությունների փոքր քայլերի զորության, որ մենք անում ենք միասին, մեր տաճարը դարձել է էլ ավելի հարմարավետ և հյուրընկալ:
Մեր ծխականների մի քանի ընտանիքների (Անդրանիկ Ստեփանյան, Ազատ Մատինյան, Ժաննա Շահբազյան, Հարություն Կյուրեղյան, Գագիկ Սահրադյան, Սևակ Թովմասյան, Բենիկ Պողոսյան, Ռոբերտ Սարգսյան, Արմենակ Մինասյան) համատեղ ջանքերով և առատաձեռն նվիրատվություններով նոր աթոռներ ձեռք բերվեցին մեր եկեղեցու համար։
ՏԵԱՌՆԸՆԴԱՌԱՋԻ ՏՈՆԸ ՏԱԼԼԻՆՈՒՄ
(Տեառնընդառաջը կամ Տրնտեզ նշանակում է գնալ Տիրոջն ընդառաջ)
Տալլինի Ս. Գրիգոր Լուսավորիչ Եկեղեցում 2024թ. փետրվարի 13-ին, Արժ. Տ. Խոսրով քհն. Ստեփանյանի նախագահությամբ տեղի ունեցավ տոնական արարողություն, ինչի ավարտին Եկեղեցու բակում վառվեց տոնական խարույկը:
2024 թվականը Էստոնիայում հայտարարվել է մշակութային բազմազանության տարի։ Տարին բացվեց մի շարք միջոցառումներով, որոնցից մեկը «Բացեք մշակութային հարստության տարին», որը տեղի ունեցավ Տալլինի երաժշտության և բալետի դպրոցում։ Բազմամշակութային Էստոնիայում Հայաստանի մշակույթը ներկայացնում էին Մաշտոցի հայկական կիրակնօրյա դպրոցը՝ Ջաննա Շահբազյանի ղեկավարությամբ, մասնավորապես՝ ԵՐԱԶԱՆՔ երաժշտական համույթը (երաժշտության ուսուցչուհի Ռուզաննա Համբարձումյան) և հայկական էթնիկ պարերի TAYQ անսամբլը (պարուսույց Գոհար Օվակիմյան) , ինչպես նաև Հայ Եկեղեցու ծխական խորհուրդը։
Բալթյան երկրների հայոց թեմի Առաջնորդ Գերաշնորհ Վարդան եպս. Նավասարդյանը Էստոնիայի Ծխական խորհրդի անդամների հետ 2024թ. հունվարի 19-ին հանդիպեց Տալլինի քաղաքապետ Տիար Միխայիլ Կիլվարտին: Հանդիպմանը քննարկվեցին Եկեղեցու և քաղաքապետարանի հնարավոր գործակցությունը և համատեղ ծրագրերի մասին:
Հունվարի 6-ի առավոտյան՝ ի պատիվ Սուրբ Ծննդյան եւ Աստվածահայտնության տոների, Տալլինի Սուրբ Գրիգոր Լուսավորիչ եկեղեցում տեղի է ունեցել պատարագ եւ ջրօրհնեքի արարողություն։ Պատարագը մատուցեց Վարդան եպիսկոպոս Նավասարդյանը։
Նույն օրը երեկոյան ծխականները հավաքվել են Տալլինի Ուսուցչի տանը, որտեղ զրուցել են, ծանոթացել, զվարճացել ու պարել։ Մշակութային ծրագրի պատասխանատուն էր հայկական կիրակնօրյա Մաշտոց դպրոցը (տնօրեն՝ Ժաննա Շահբազյան)։
Դեկտեմբերի 23-ին և 24-ին տեղի ունեցավ արցախցի փախստականների օգնության եզրափակիչ փուլը՝ ֆինանսավորվելով Տալլինում հայկական եկեղեցու ծխական խորհրդի կողմից կազմակերպված սննդի և մշակույթի փառատոնի հասույթով։
Ծխական խորհրդի անդամներից Փիրուզա Հարությունյանն ակտիվորեն մասնակցեց եզրափակիչ փուլին։
Հրազդանում Փիրուզաին դիմավորեց Հայաստանում GօL հիմնադրամի նախագահ Արամը։
Մենք անչափ շնորհակալ ենք բոլորին, ովքեր աջակցել են մեր փառատոնին։ 13,000 եվրոյով, որը մենք կարողացանք վաստակել, կարողացանք օգնել 264 ընտանիքի և ավելի քան 1,432 անհատի:
